پەری عەبدولواحید-ی پەیكەرساز، بۆ کوردستانی نوێ :

لە فەرەنسا و ئیتاڵیا، بەشداریم لە پێشانگەی هاوبەش كردووە

11:40 - 2025-03-19
هەمەرەنگ
75 جار خوێندراوەتەوە

 پەری عەبدولواحید، ماستەری لە هونەری پەیكەرسازیيدا هەیە، ئێستا مامۆستایە و لە كۆلێژی هونەر دەستی بە خوێندن كردووە،  بێ دابڕان لە كاری هونەریی بەردەوامە، بۆ حەز و خولیای خۆی بە شێوەیەكی سەرەكی كار دەكات و هەندێ كات بۆ لایەنی ماددی.
پەری عەبدولواحید بە كوردستانی نوێ-ی راگەیاند:  زیاتر لە 25 ساڵە سەرقاڵی كاری پەیكەرسازیيم، لە شارەكانی (سلێمانی، هەولێر، هەڵەبجە، كۆیە)، هەروەها لە فەرەنسا و ئیتاڵیاش بەشداریم لە چەندین پێشانگەی هاوبەش كردووە، تا ئێستا پێشانگەی تایبەت بە خۆم  نەبووە،  بەڵام پلانم هەیە بۆ داهاتوو كاری تایبەتم هەبێت.
 وتیشی: ئەو پەیكەرانەی من دروستی دەكەم، هەندێ كات پێویست دەكات واقيعی دروستیان بكەم و هەندێ جاریش لە خەیاڵی خۆمەوە سەرچاوە دەگرێت، زۆر بابەتیش بە ماتریاڵی جیاواز دروستیان دەكەم، وەك  قوڕ و مۆم و فایبەرگلاس و سلیكۆن و دار و بەرد و برۆنز و ماتریاڵی تریش بەكاردەهێنم، هونەر هەڵقوڵاوی ناخی هونەرمەندە،  بۆیە هونەر جوانییە منیش لەگەڵ جوانيی كار دەكەم.
محەمەد عەبدولرەحمان-شارەزوور

بابەتە پەیوەندیدارەکان