لە چوارچێوەی هەموارکردنەوەی یاسای پۆشینی حیجابدا، ئێران مەفرەزەکانی پۆلیسی رەوشتی هەڵوەشاندەوە.
محەمەد باقر قالیباف، سەرۆکی پەرلەمانی ئێران هەموارکردنەوەی یاسای سەرپۆشی راگەیاند و روونیکردووەتەوە، بەگوێرەی هەموارەکە، بەیەکجاری مەفرەزەکانی پۆلیسی رەوشت هەڵدەوەشێنرێتەوە.
قالیباف راشیگەیاندووە، ئەو هەموارکردنەوەیە بۆ گۆڕینی شێوازی مامەڵەکردنە لەگەڵ پرسی حیجاب و بەدیهێنانی کۆدەنگی لەسەری.
هەڵوەشاندنەوەی پۆلیسی رەوشت لەکاتێکدایە، لە چەند ساڵی رابردوو لەو وڵاتە چەندین پێشنیازکراوە بۆ هەموارکردنەوەی شێوازی یاسای باڵاپۆشی، بەوپێیەی پرسێکی مشتومڕاوییە لە وڵاتەکەدا.
