ترەمپ داوا لە ئێران دەكات دەستبەجێ واز لە پشتیوانیكردنی حوسییەكان بهێنێت و دەڵێت: بەتەواوی لەناویان دەبەین.
دۆناڵد ترەمپ، سەرۆكی ئەمریكا داوای لە ئێران كرد دەستبەجێ واز لە دابینكردنی چەك بۆ "حوسییەكان" بهێنێت و رێگەیان پێ بدات خۆیان شەڕ بكەن، جەختیشیكردەوە لە هەردوو حاڵەتەكەدا "ئەوان شەڕەكە دەدۆڕێن و بە تەواوی لەناو دەچن.
ترەمپ لە هەژماری تایبەتی خۆی لە تۆڕی كۆمەڵایەتیی (Truth Social) نووسیویەتی: “ڕاپۆرتەكان ئاماژە دەدەن بەوەی، كە ئێران لەگەڵ كەمكردنەوەی پشتیوانی سەربازی و كەرەستەی دیكەدایە بۆ حوسییەكان، گەرچی هێشتا بڕێكی بەرچاو لە پێداویستییەكان هەر دەنێرێت.
وتیشی، ئێران دەبێ دەستبەجێ دەست واز لە ناردنی ئەو پێداویستیانە بهێنێت، با حوسییەكان خۆیان شەڕ بكەن، بە هەر دوو رێگاكە ئەوان دەدۆڕێن، بەڵام بەم شێوەیە زووتر دەدۆڕێن.
