لەیدی گاگا خەڵاتی داهێنان وەردەگرێت

لەیدی گاگا، ئەكتەر و گۆرانیبێژی ئەمریكی رۆژی دوو شەممەی رابردوو لە ئاهەنگێكی تایبەتی (iHeartRadio)دا خەڵاتی داهێنانی وەرگرت و لە كاتی وەرگرتنی خەڵاتەكەدا رایگەیاند: لە تەمەنی 38 ساڵیدا ئەم خەڵاتە وەردەگرم، هەستێكی سەیرم لا دروست دەكات، لەلایەك هەست دەكەم، زۆر لە مێژە سەرقاڵی ئەم هونەرەم و لەلایەكی دیكەشەوە هەست دەكەم هێشتا لە سەرەتادام.
سەبارەت بە داهێنان لەیدی گاگا وتی: داهێنان بە واتای تێشكاندنی رێساكان نییە، بەڵكو نووسینەوەی چیرۆكی خۆتە و باوەڕپێهێنانی جیهانە بە چیرۆكەكەت.
پاشان سوپاسی هەریەك لە كارۆڵ كینگ و مادۆنا و تۆنی بینیت -ی كرد و وتی: ئەوان فێریان كردم كلاسیكم خۆش بوێت، بەڵام پابەند نەبم پێوەی.
ئا: كوردەوان محەمەد سەعید

سەرچاوە: CNN