مەنوچەهر حەبیبی پارێزگاری كرماشان رایگەیاند: ناوچەی قەسری شیرین دەتوانێت رۆڵێكی باش لە ئابووریی وڵات بگێڕێت و ببێتە ناوچەیەكی هاوبەش بۆ ئێران و عیراق لە بواری سەرمایەگوزاری و ئابووریدا.
راشیگەیاندووە: پێنج دەروازەی رەسمی بازرگانی لە سنووری پارێزگای كرماشان لەگەڵ عیراقدا هەیە كە لە ماوەی یەک ساڵدا بڕی سێ ملیار و 500 ملیۆن دۆلار كاڵا لە مەرزی قەسری شیرینەوە هەناردەی عیراق دەكرێت.
حەبیبی ئاماژەی بەوەشكردووە: قەسری شیرین بەرلەوەی ببێتە ناوچەیەكی ئازادی بازرگانی، پێشتر ناوچەیەكی تایبەتی ئابووری بوو كە داوادەكەین مەرزی (خوسرەوی) بخرێتەسەر ناوچەی ئازادی بازرگانی، چونكە 23 % ی هەناردەی كرماشان بۆ عیراق لەو مەرزەوەیە و ئەمساڵ یەك ملیۆن زیارەتكاری ئێرانی لەو سنوورەوە سەردانی شوێنە پیرۆزەكانی عیراقیان كردووە.
ئا/ وەفا رۆستەمی
