یاسین حەمەئەمین لە بەشی باخچەکانی شارەوانیی رزگاری بە کوردستانی نوێ ـ ی راگەیاند: بەشی باخچەکانی سەرۆکایەتیی شارەوانیی رزگاری ئامادەکاریی بۆ دروستکردنی چوارەم دارسـتانی دەسـتکرد لە ناحیەی رزگاری دەکات و بەبۆنەی نەورۆزی ئەمساڵەوە نەمامەکان دەچێنین.
وتیشی: رووبەری زەوی ئامادەکراو 20 دۆنمە و دەکەوێتە گەڕەکی ژاڵەوە، تیایدا نزیکەی 1500 نەمام و گوڵی جۆراوجۆر دەچێنرێت، بەمەش رزگاری دەبێتە خاوەنی چوارهەمین دارستانی دەستکرد.
حسێن عەزیز
