دۆناڵد ترەمپ سەرۆکی ئەمریکا ئیمزای لەسەر بڕیاری هەڵوەشاندنەوەی وەزارەتی پەروەردەی ئەمریكاکرد و رایگەیاند، ئەمە بڕیارێکی مێژووییەو هیچ سەرۆکێک لە مێژووی ئەمریکادا نەیکردووە.
بەپێی راگەیەندراوێكی پێشوی كۆشكی سپی، کە تیایدا هاتبوو، رۆژی پێنج شەممە دۆناڵد ترەمپ سەرۆكی ئەمریكا، لە بۆنەیەكدا لە كۆشكی سپی بە ئامادەبوونی حاكمە كۆمارییەكان و لێپرسراوانی پەروەردەی ویلایەتەكان، بەڵێنەكەی كاتی بانگەشەی هەڵبژاردنی سەرۆكایەتی دەباتە سەر و بڕیاری هەڵوەشاندنەوەی وەزارەتی پەروەردەی ئەمریكای ئیمزا کرد.
لە راگەیەنراوەكەدا ئاماژە بەوەش درابوو، ترەمپ لیندا مەكماهۆن رادەسپێرێت رێكارە پیویستەكان بگرێتە بەر بۆ هەڵوەشانەوە و داخستنی وەزارەتی پەروەردە و گەڕاندنەوە دەسەڵاتی پەروەردە بۆ ویلایەتەكان.
لە نوێترین لێدوانیدا و لە کاتی ئیمزاکردنی بڕیارەکەیدا، رایگەیاند: دەسەڵات دەدەینەوە ویلایەتەکان و ئەمە هەنبگاوێکی بوێرانەیە.
