لە راگەيەندراوێکدا هێلی ئاسمانی بەريتانيا بڵاویکردەوە،
ئەمڕۆ بەهۆی ئاگرکەوتنەوەوە لە وێستگەيەکی کارەبا و پچڕانی کارەباوە، فرۆکەخانەی هیسرۆ کە قەرەباڵغترين فڕۆکەخانەی ئەوروپايە داخرا.
لە راگەيەندراوەکەدا هاتووە، ئەمە بە روونی کاریگەری دەبێت لەسەر کارەکانيان و کڕیارەکانيان، دەشڵێت بە خێرایی کاردەکەین بۆ ئەوەی زانياری نوێيان لەسەر بژاردەکانی گەشتکردنیان بۆ ماوەی 24 سەعاتی داهاتوو و دواتر پێبدەين.
لێپرسراوانی فڕۆکەخانەکە رایانگەیاند، پێشبینی دەکەن لە چەند رۆژی داهاتووشدا پچڕانی بەرچاوی کارەبا رووبدات، لەکاتێکدا چەندين گەشتی فڕۆکەخانەکە هەڵوەشاونەتەوە.
بەڕێوەبەری فڕۆکەخانەی هيسرۆ لە پەيامێکيدا رايگەياندووە، بەشێوەيەکی بەرچاو کارەبا لە فرۆکەخانەی هيسرۆ پچڕاوە، تاوەکو پێش نيوەشەوی هەينی فرۆکەخانەکە دادەخرێت.
دەشڵێت، نابێت سەرنشینەکان لە هیچ بارودۆخێکدا گەشت بۆ فڕۆکەخانەکە بکەن تاوەکو ئەو کاتەی دەکرێتەوە.
تیمی ئاگرکوژێنەوەی لەندەن رایگەیاندووە، ئاگرێکی فراوان لە وێستگەیەکی لاوەکی لە شارۆچکەی هایس، لە ناوچەی هیلینگدۆنی لەندەن کەوتووەتەوە.
