بە بەشداری زیاتر لە یەك ملیۆن كەس، ئەمڕۆ لە ئامەدی باكوری كوردستان رێوڕەسمی ئاهەنگی نەورۆز بە ناونیشانی سەركردایەتی ئازاد، كۆمەڵگەی دیموكراتی، بەڕێوەدەچێت.
لە ئاهەنگەکەدا چاوەڕوان دەکرێت ئەمڕۆ عەبدوڵا ئۆجەلان رێبەری زیندانیکراوی پەکەکە پەیامی هەبێت.
لەلایەکی دیکەوە، پەیامی بافڵ جەلال تاڵەبانی سەرۆكی یەكێتیی نیشتمانیی كوردستان لە ئاهەنگی نەورۆزی ئامەد بڵاودەكرێتەوە.
هاوكات كۆمیتەی رێكخستنی نەورۆزی ئامەد بانگهێشتنامەی بۆ هەموو پارچەكانی كوردستان ناردووە، بۆ ئەوەی بەشداری ئاهەنگەكە بكەن، لەلایەن 629 رۆژنامەوانیشەوە روماڵی ئاهەنگەكە دەكرێت.
بەپێی بەرنامەی ئاهەنگە وتاری هاوسەرۆكانی دەم پارتی و هاوسەرۆكی شارەوانی ئامەد و هاوسەرۆكی دەبەپە پێشكەش دەكرێن.
