نەتەوەيەکگرتووەکان رايگەياند ساڵی 2024 کوشندەترين ساڵ بووە بۆ کۆچبەران و نزيکەی نۆ هەزار کۆچبەر لە سەرانسەری جيهاندا گيانیان لەدەستداوە.
رێکخراوی نێودەوڵەتی بۆ کۆچبەرانى سەربە نەتەوەيەکگرتووەکان، ئاماری گيانلەدەستدانی کۆچبەرانی بۆ ساڵی 2024 بڵاوکردەوە، کە هەشت هەزار و 938 کۆچبەرە، ئەمەش پێنجەمین ساڵە کە ژمارەی گيانلەدەستدانی کۆچبەران گەيشتبێتە ئاستى پێوانەیی.
رێکخراوی نێودەوڵەتی کۆچ دەشڵێت "پێدەچێت ژمارەی راستەقینەی مردن و بێسەروشوێنبوونی کۆچبەران زۆر زیاتر بێت، چونکە زۆرێکيان تۆمارنەکراون و ناسنامەيان ديار نييە"
راشيگەياندووە، زۆرترين کۆچبەری ئاسيایی گيانيان لەدەستداوە کە دوو هەزار و 778 کەس بوون، دوای ئەويش ئەفريقی بوون کە دوو هەزار و 242 کۆچبەر گيانيان لەدەستداوە.
