رۆژنامەی ئیتاڵی "ئیل فۆڵیۆ" چاپی رۆژنامەیەکی بڵاوکردەوە کە بە تەواوی لەلایەن زیرەکی دەستکرد (AI)ەوە نووسراوە، بەبێ هیچ دەستوەردانێکی مرۆیی.
ئەم هەنگاوە وەک تاقیکارییەک بۆ ماوەی مانگێکە، کە تێیدا رۆژنامەکە بە خۆڕایی بەسەر هاوڵاتییاندا دابەش دەکرێت.
رۆژنامەکە لە چوار لاپەڕە پێکهاتووە و شانبەشانی رۆژنامە سەرەکییەکە دابەش دەکرێت کە 10 لاپەڕەیە و نرخەکەی 1.8 یۆرۆیە.
تیمەکە ئاماژە بەوە دەکەن کە ئامانجیان تەنها سوود وەرگرتن نییە لە وەڵامەکانی زیرەکی دەستکرد، بەڵکو بەشێوەیەکی کرداری رۆڵی زیرەکی دەستکرد لە بواری رۆژنامەنووسیدا دەخەنەڕوو.
رۆژنامەی "ئیل فۆڵیۆ" لە ساڵی 1996 دامەزراوە و یەکێکە لە رۆژنامە بەناوبانگەکانی ئیتاڵیا.
