ترەمپ و پوتین خەریکی دانوستاندنن سەبارەت بە ئۆکرانیا، ناتۆش لە قەیراندایە لە بەرامبەر ئەم پاشخانەدا، سەرۆکی دەوڵەتان و حکومەتەکانی یەکێتیی ئەوروپا لە برۆکسل کۆبوونەوە بۆ تاوتوێکردنی دووبارە چەکدارکردنی ئەوروپا و بەرگریی هاوبەش و پشتیوانیی زیاتر بۆ کیێڤ.
رۆژنامەی کۆمەرسانتی روسیا نووسیوێتی: لە کۆتاییدا ناکۆکییەکانی ناو وڵاتانی ئەوروپادا بەڕوونی بەدیار کەوت، لەو کۆبوونەوە گەوەرەیەدا نەیانتوانی لەسەر هاوکارییەکی پێنج ملیار یۆرۆیی بۆ ئۆکرانیا رێکبکەون.
کۆبونەوەکە سەرکەوتوو نەبوو لە رازیکردنی هەنگاریا لەو پرسەدا و رۆژنامەکە دەڵێت: 140 ملیۆن روسی، یەکگرتوو و یەکهەڵوێستن، بەڵام ئەوروپای 500 ملیۆنی پەرتەوازەن.
لەبەرامبەردا ئێل پایسی ئیسپانی بەرپەرچی دەداتەوە و دەنووسێت: ئەوروپا بە رەتکردنەوەی هەوڵەکانی هەنگاریا شکۆمەندیی خۆی دەپارێزێت، هێزی خۆی نیشان دا، لە رابردوودا هەنگاریا لەهەموو هەڵوێست و بڕیارێکدا دەیویست یەکێتییەکە ئیفلیج بکات، بەڵام ئێستا بە سادەیی لەلایەن 26 ئەندامەکەی دیکەوە پشتگوێ دەخرێت. ئەوروپا دەبێت ئەڵتەرناتیڤی تر بدۆزێتەوە و پشتیوانیی وڵاتانی وەک بەریتانیا، نەرویج و کەنەدا بۆ خۆی پەیدابکات .
