هەریەک لە خاتوو ئەلیزابێس وارن ئەندامی کۆنگرێسی ئەمریکا لە فراکسیۆنی دیموکراتەکان و جۆ ویڵسۆن ئەندامی کۆنگرێس لە فراکسیۆنی کۆمارییەکان لە نامەیەکی هاوبەشیاندا ئاراستەی کۆنگرێس و وەزیرانی دەرەوە و گەنجینەی ئەمریکا کردووە سزاکانی سەر سوریا سووک بکەن و جەختیشیان لەوە کردووەتەوە کە ئەو سزایانە هەڕەشەن بۆ دروستکردنی ئاستەنگ لەبەردەم ئاوەدانکردنەوە و پتەوکردنی سەقامگیریی لە ناوچەکەدا.
ئەو دوو کۆنگرێسمانە لە نامە هاوبەشەکەیاندا بۆ هەردوو وەزیر مارکۆ رۆبیۆ و سکوت بیسنت روونیشیان کردووەتەوە کە ئەو کۆت و بەندە فراوانەی ماوەی زیاتر لە دەیەیەکە سەپێنراوە بەسەر ئەو وڵاتەدا ئامانج لێی بەرتەسککردنەوەی تواناکانی رژێمی پێشوو بوو. بۆیە لەڕێی ئەم نامەیەوە هانتان دەدەین کە چاو بە هەڵوەشاندنەوە یان گۆڕینی رێوشوێنەکانی پێشوو بخشێننەوە بەتایبەتی گەمارۆی هەمەلایەنە لەسەر خزمەتگوزاری و وەبەرهێنان کە کاریگەریی خراپی لەسەر وڵاتەکە هەیە.
