بەڕێوەبەرایەتی ئاوی کۆیە رایگەیاند؛ بەهۆی تێكەڵ بوونی مادەی زیان بەخش بەئاوی زێیی بچوك، سەرجەم پڕۆژەكانی بەرهەمهێنان و دابین كردنی ئاو لەو سنورە وەستێنران.
زێی بچووك کە سەرچاوەی دابین كردنی ئاوە بۆ سەنتەری قەزای كۆیە و تەق تەق و ناحیەی ئاشتی و بەشێك لە گوندەكان، بەهۆی تێکەڵبوونی چەند مادەیەکەوە پیسبووە.
بەڕێوبەرایەتی ئاو بەمەبەستی پاراستنی ژیانی هاوڵاتیان سەرجەم ئەو پرۆژانەی کەوا ئاو لە زێی بچووکەوە وەردەگرن بە ناچاری وەستاندووە و دەڵێت؛ ئاوەکە شیاوی خواردنەوە و بەکارهێنان نییە.
هەروەها داوا لە هاوڵاتیان دەکات بە وریاییەوە ئاو بەکار بهێنن تا ئەو کاتەی زێی بچووک پاک دەبێتەوە.
