خانەقین، سێ پرۆژە دەچنە بواری جێبەجێكردنەوە

رەزامەندیی لەسەر جێبەجێكردنی سێ پرۆژە لە خانەقین دەدرێت و ئەندامێكی ئەنجومەنیش دەڵێت: پرۆژەكان بۆ شارەكە زۆر گرنگن.
ئەوس مەهداوی ئەندامی ئەنجومەنی پارێزگای دیالە بە كوردستانی نوێ-ی وت: لەلایەن پارێزگاری دیالەوە رەزامەندیی لەسەر دەستپێكردنی سێ پرۆژە لە خانەقیندا دراوە، كە بریتین لە دووسایدكردن و قیرتاوكردنی دەروازەكانی باشوور و باكوور و كۆرنیشی خانەقین.
سەبارەت بە پرۆژەی كۆرنیشی خانەقین، رایگەیاند: كۆرنیشەكە بەدرێژیی 650 مەتر لەسەر ئاوی ئەڵوەند جێبەجێدەكرێت و هەرسێ پرۆژەكەش لە داهاتوویەكی نزیكدا دەخرێنە بواری جێبەجێكردنەوە.
ئارۆ سامان