دوێنێ لە هەڵەبجە، حەمەی حەمەسەعید وەزیری رۆشنبیری و لاوان، پێشوازی لە یاسویوكی ماتسوناگا مامۆستا و نووسەر و توێژەری ژاپۆنی بەهاوڕێیەتیی ژمارەیەك مامۆستای زانكۆ لە وڵاتی ژاپۆن و ئێران. كرد.
وەفدەكە، بەمەبەستی توێژینەوە و بەدواداچوون و لێكۆڵینەوە لەسەر مێژووی كورد و تەریقەتی نەقشبەندی و قادری، لە هەرێمی كوردستانن، هەروەك دەیانەوێت كتێبخانەیەك بۆ كتێبـی كوردی لە ژاپۆن دابمەزرێنن، بەئامانجی زیاتر فێربوونی زمانی كوردی و بوون بە سەرچاوە بۆ بەدواداچوون و دیراسەت لەسەر كورد و كوردستان.
لە دیدارێكدا، وەزیری رۆشنبیری و لاوانی هەرێم، لەسەر چەندین تەوەر روونكردنەوەی پێویستی خستەڕوو، بەڵێنی هاوكاری و پشتیوانیشی پێدان.
