دوێنێ، رێبوار تەها پارێزگاری كەركوك، بەردی بناغەی دروستكردنی پرۆژەیەكی گرنگی لە ناحیەی تازە لە خوارووی كەركوك دانا، كە دروستكردنی پردی نێوان كەركوك-بەغدایە.
لەبارەی پرۆژەكەوە، پەروین فاتیح ئەندامی ئەنجومەنی پارێزگای كەركوك، بەكوردستانی نوێ-ی راگەیاند: لەدوای دەستبەكاربوونی ئیدارەی نوێ، ژمارەیەك پرۆژەی گەورە و ستراتیژیی دەست بە جێبەجێكردنیان كراوە، كە لە هیچ پارێزگایەكدا هاوشێوەی نییە و ئیدارە و ئەنجومەنی پارێزگا بە یەك تیم لەپێناوی خزمەتكردنی خەڵكدا كاردەكەن.
ئەو ئەندامەی ئەنجومەن، دڵنیایشیدا كە لە گەیاندنی خزمەتگوزاریدا هیچ جیاوازییەك لەنێوان پێكهاتەكانی كەركوك نەكراوە و ناشكرێت، وتیشی: دەمانەوێت كار و خزمەتگوزارییەكان جیاوازبن لە كاری ئیدارەكانی پێشوو، ئامانجی پارێزگاریش ئەوەیە زۆرترین پڕۆژەی خزمەتگوزاری بۆ شارەكە بكرێت.
هێمن ئەحمەد
