كەركوك، هەڵمەتی هۆشیاركردنەوە و پاك و خاوێنی راگەیەنرا

شارەوانیی كەركوك و پۆلیسی كۆمەڵگەی مەدەنی، هەڵمەتێكی هاوبەشی هۆشیاركردنەوە و پاكوخاوێنییان  دەستپێكرد.
عەدنان گەڵاڵی بەڕێوەبەری راگەیاندنی شارەوانیی كەركوك، بەكوردستانی نوێ-ی راگەیاند: هەڵمەتەكە لەسەر راسپاردەی پارێزگار بەڕێوەدەچێت و وەك سەرەتاش لە شەقامەكانی رێگەی بەغدا و شەقامی قودس و شەقامی كۆنی پارێزگا دەستیپێكردووە و مەبەستیش لێی گرنگیدانە بە پاكوخاوێنی شار، وتیشی: تیمەكانی شارەوانی راسپێردراون چاودێریی كاری پاككردنەوەی ناوشار و دەرەوەی شار بكەن، كە ئێستا دوو كۆمپانیا كاری پاككردنەوەی شارەكەیان لەئەستۆیە و دەبێت شەو و رۆژ لە ئەركدا بن بۆ كۆكردنەوەی خۆڵ و خاشاك لە گەڕەك و كۆڵانەكاندا.
هێمن ئەحمەد