سەید عەباس عیراقچی وەزیری دەرەوەی ئێران رایگەیاند: ئێمە بە هیچ شێوەیەك ناچینە دانوستانێكی راستەوخۆوە لەگەڵ ئەمریكادا، بەڵام هاوكات دەرگای گفتوگۆی ناڕاستەوخۆ كراوەیە.
وتی: هەموو رۆژێك لەلایەن ئەمریكاوە تۆمەت ئاراستەی ئێران دەكرێت و ئێمەش بە هیچ شێوەیەك دانوستانی راستەوخۆ لەگەڵ ئەمریكا ناكەین و ئامانجی ئێمە بەدیهێنانی بەرژەوەندی و سەقامگیریی ئاسایشی نیشتمانییە بۆ ئێران و لەو بارەیەوە هیچ دەرفەتێك لەدەست نادەین و لەژێر گوشار و هەڕەشەدا گفتوگۆ لەگەڵ ئەمریكا ناكەین.
