ئەمڕۆ چوارشەمە 2022/8/3 د.یوسف گۆران لێپرسراوی مەڵبەندی دیراساتی گشتی یەکێتیی نیشتمانیی کوردستان لە شاری سلێمانی، پێشوازیی کرد لە هەڤاڵان ستران عەبدوڵڵا ئەندامی مەکتەبی سیاسی و فەهمی بورهان و رابیحە حەمەد، ئەندامانی سەرکردایەتی یەکێتیی نیشتمانیی کوردستان، کە بەمەبەستی پیرۆزبایی د. یوسف گۆران وەک لێپرسراوی مەڵبەندی دیراساتی گشتی سەردانی مەڵبەندەکەیان کرد.
لە دیدارەکەدا هەڤاڵان هیوای سەرکەوتنیان بۆ د.یوسف گۆران خواست و هەموو پاڵپشتی و پشتیوانییەکیان بۆ دووپاتکردەوە، لەبەرامبەردا د. یوسف گۆران بەڵێنی دوپاتکردەوە بۆ باشتر خزمەتکردن بەخەڵکی کوردستان و یەکێتیی نیشتمانیی کوردستان.
وتیشی: بەهیواین بەپشتیوانی هەموو لایەک لەم ئەرکەدا بتوانین گوڕوتینێکی نوێ بە یەکێتی و مەڵبەندەکە ببەخشین کە لە ئاست ئەم متمانەیەدا بێت.
