لەراگەیاندراوێکدا، وەزارەتی کارەبای حکومەتی هەرێمی کوردستان رایگەیاند، لە رۆژانى جەژندا 18 بۆ 20 سەعات کارەبا بە هاونیشتمانییان دەدرێت.
بەپێی راگەیاندراوەکەی وەزارەتی کارەبا، بە پشتبەستن بە بەرهەمهێنانی نزیکەی چوار هەزار مێگاوات کارەبا، دەتوانرێت لە رۆژانى جەژندا ئەو بڕە کارەبایە بە هاونیشتمانییان بدرێت.
راشیگەیاندووە، لە حەوت هەزار کرێکار و فەرمانبەری كارەبا بەشێوەی ئێشکگر لە بەڕێوەبەرایەتییەكانی كۆنترۆڵی كارەبای هەرێمی کوردستان، وێستگەكانی بەرهەمهێنان، گواستنەوە و دابەشكردنی كارەبا، سیانەكان و پۆلیسی كارەبا، لە سەرجەم پارێزگا و ئیدارە سەربەخۆكان، لە کاردا دەبن.
