پاسەوانی كەناراوەكانی یۆنان لە ڕاگەیەندراوێكدا بڵاویكردەوە، یەكێك لە كەشتییەكانیان لە كەناراوەكانی دوورگەی لێسبۆس سوڕانەوەی بەردەوامی ئەنجامداوە، كاتێك بینیویانە بەلەمێك نقومبووە، راستەوخۆش بەهانای كۆچبەرەكانەوە چوون، ئەوەشی خستەڕوو، ئەو بەلەمە 48 كۆچبەری هەڵگرتبوو، تیمەكانی یۆنان توانیویانە سەرجەمیان رزگار بكەن و ئێستاش بۆ بەندەری شاری میتیلینی یۆنان گواستراونەتەوە.
پاسەوانی كەناراوەكانی یۆنان ئەوەشی خستەڕوو، سێ كەس لە كۆچبەرەكان گواستراونەتەوە بۆ نەخۆشخانەی گشتی شاری میتیلینی بەمەبەستی وەرگرتنی چارەسەری پێویست، ئێستاش لە نەخۆشخانە چارەسەر وەردەگرن.
