مەسعود پزیشکیان سەرۆک کۆماری ئێران رایگەیاند، ئێران ئامادەیە گفتوگۆ لەبارەی پرۆگرامی ئەتۆمی لەگەڵ ئەمریکا بکات، بەڵام تەنها بە مەرجی دادپەروەری و یەکسانی، هاوکات، رەخنەی توندی ئاڕاستەی سیاسەتەکانی واشنتۆن کرد.
سەرۆک کۆماری ئێران لە کۆبوونەوەی ئاسایی حکومەتەکەی کە ئەمڕۆ شەممە بەڕێوەچوو، روو لە ئەمریکا رایگەیاند، ئەگەر گفتوگۆتان دەوێت لە چی دەترسن؟.
پزیشکیان سەبارەت بە بڕیارەکەی دۆناڵد ترەمپ، سەرۆکی ئەمریکا بۆ سەپاندنی باجی گومرگی بەسەر 180 وڵات، وتی: ئەمریکا تەنیا سوکایەتی بە ئێران ناکات، بەڵکوو سوکایەتی بە هەمو جیهان دەکات.
ئەم لێدوانەی پزیشکیان دوای پەیامەکەی ترەمپ دێت کە رۆژی پێنجشەممە رایگەیاندبوو ئێران ئامادەی گفتوگۆی راستەخۆیە لەبارەی پرۆگرامی ئەتۆمی وڵاتەکەی، بەڵام پزیشکیان لە لێدوانەکەیدا پشتڕاستی نەکردەوە کە ئایا وڵاتەکەی ئامادەیە راستەوخۆ گفتوگۆ دەکەن یان نا.
