لەدوو رۆژی رابروودا بنیامین نەتانیاهۆ سەرۆک وەزیرانی ئیسرائیل سەردانی بودابێستی کرد، هەمان کات هەنگاریا کشانەوەی خۆی لە دادگای تاوانی نێودەوڵەتی راگەیاند، نەتانیاهۆ لەلایەن ئەو دادگایەوە فەرمانی دەستگیرکردنی بۆ دەرچووە، شرۆڤەکارانی میدیایی قسەی لەسەر دەکەن.
دی ڤۆڵکسکرانتی هۆڵەندی نووسیویەتی: «بەو پێشوازییە، هەنگاریا هەموو ئەوروپای شەرمەزار کرد و یاسای نێودەوڵەتیشی پێشێلکرد. ئەو وڵاتە بووەتە پەڵەیەکی رەش بە نێوچاوانی ئەوروپییەکانەوە و ساڵانێکی زۆرە ڤیکتۆر ئۆربان لەپێناوی نزیکبوونەوەی لە سەرۆکی روسیا، گوێ بە بنەماکانی ئەوروپا و بەهاکانی نادات.
