ئاكار نه‌جم
كاسرین هایگل " Katherine Heigl" ئه‌كته‌ری ئه‌مریكی، یه‌كێكه له‌و ئه‌كته‌ره شۆخ و شه‌نگانه‌ی كه زۆرتر رۆڵی كۆمیدی رۆمانسی ده‌گێڕێ و خانمێكی به‌ژن بڵند و به‌ده‌ن رێكه. به یه‌كێك له‌و ئه‌كته‌ر جوان و سه‌رنجڕاكێشانه داده‌نرێ كه به‌ده‌نێكی وروژێنه‌ری هه‌یه. ئه‌م خانمه له24 ی تشرینی دووه‌می 1978 له واشنتۆن له‌دایكبووه. له ساڵی 1986 یه‌كێك له براكانی به ناوی جه‌یسۆن به‌هۆی رووداوێكی ئۆتۆمبێله‌وه گیانی له‌ده‌ستدا، ئه‌م رووداوه ناخۆش و جه‌رگ بره، كاریگه‌ری خراپی له‌سه‌ر خۆی و خێزانه‌كه‌ی هه‌بوو، هه‌ر به‌هۆی ئه‌م رووداوه‌وه دوای ماوه‌یه‌ك دایك و باوكی له‌یه‌ك جیابوونه‌وه و خێزانه‌كه‌یان هه‌ڵوه‌شایه‌وه.
كاسرین خانمه شۆخه‌كه‌ی درامای ئه‌مریكی به‌ڕه‌چه‌ڵه‌ك ئێرله‌ندی- ئه‌ڵمانیییه. له ته‌مه‌نی نۆ ساڵیدا خاڵۆزاكه‌ی وێنه‌كه‌ی بۆ یه‌كێك له شانۆكان نارد، به‌هۆی ئه‌وه‌وه كاسرین به خێرایی بوو به یه‌كێك له مۆدێله منداڵه‌كانی كه‌ته‌لۆگه‌كان و ناوبانگی زیاتربوو دوای ئه‌وه‌ی نوێنه‌رایه‌تی ریكلامێكی كۆمپانیای خواردنی سێریالسی ده‌كرد. له ساڵی 2005 دوای نواندنی له زنجیره‌ی ئه‌ناتۆمی خۆڵه‌مێشیدا پێشكه‌وتنی راسته‌قینه‌ی خۆی له‌به‌رچاوگرت، ئه‌گه‌رچی له ساڵی 1992ه‌وه چووبووه دنیای سینه‌ماوه. له ساڵی 2007 خه‌ڵاتی ئیمی بۆ باشترین ئه‌كته‌ری پاڵپشت له زنجیره درامایه‌كدا به‌ده‌ستهێنا به‌هۆی رۆڵی له فیلمی ئه‌ناتۆمی گرێی، هه‌روه‌ها بۆ هه‌مان رۆڵ خه‌ڵاتی سه‌ندیكای ئه‌كته‌رانی شاشه‌ی له ساڵی 2006 به‌ده‌ستهێناوه. هه‌روه‌ها له زۆر فیلمدا رۆڵی گێڕاوه، له‌وانه: ڤالانتاین، جاده‌ی زیزیكس، من دووگیان بووم، راستی ناشیرین، ژیان وه‌ك ئه‌وه‌ی ئێمه ده‌یزانین، شه‌وی سه‌ری ساڵ، ئۆپه‌راسیۆن گوێز، دۆزه‌خی ماڵه شیرینه‌كان، له‌بیرت نه‌چێت و... چه‌ند فیلمێكی دیكه.
كاسرین له ساڵی 2007 شووی به گۆرانیبێژ جۆش كێلی كردووه. كه گۆرانیبێژ و ئاوازدانه‌رێكی ئه‌مریكییه و هونه‌رمه‌ندێكی پۆپ رۆكه. له ساڵی 1980 له شاری ئۆكستا له ویلایه‌تی جۆرجیا له‌دایكبووه و له ته‌مه‌نی یانزه ساڵیدا ده‌ستی به كاری موزیك كردووه. كاسرین و كێلی دوای ئه‌وه‌ی له ساڵی 2005 یه‌كتری ده‌ناسن به‌هۆی ده‌ركه‌وتنی له كلیپی ته‌نها تۆ عاشقی یه‌كتری ده‌بن و دوای ساڵێك له خۆشه‌ویستییان كێلی گۆرانی "هه‌ی كه‌تی" بۆ كاسرین هایگ نووسیوه. ئاهه‌نگی هاوسه‌ری هایگل و كێلی له 23ی كانوونی دووه‌می 2007 له كۆشكی شتاین ئێریكسن لۆج له پارك سیتی له ویلایه‌تی یوتا به‌ڕێوه‌چووه.
كاسرین له ساڵی 1992 له رێگه‌ی یه‌كه‌م فیلمی خۆیه‌وه به ناوی "ئه‌و شه‌وه" هاته ناو جیهانی سینه‌ما و توانی جێگه‌ی خۆی بكاته‌وه و هه‌نگاوی زیاتر بنێ و بناسرێ و توانی له ساڵانی دواتردا چه‌ندین به‌رهه‌م پێشكه‌ش بكات كه له نێوان سینه‌ما و ته‌له‌فزیۆن و شانۆدا بوون، له هه‌ر سێ بواره‌كه‌دا رۆڵی بینیوه، كه زیاتر له بیست به‌رهه‌م بوو، به‌ڵام ناوبانگی راسته‌قینه و خاڵی وه‌رچه‌رخانی ئه‌م خاتوونه دوای سیانزه ساڵ بوو كه له ساڵی 2005 رۆڵی دكتۆر "ئیزی"ی بینی، كه یه‌كێكه له رۆڵه سه‌ره‌كییه‌كانی زنجیره به‌ناوبانگه‌كه‌ی "ئه‌ناتۆمی گرێی" بووه هۆی ئه‌وه‌ی له ساڵی 2007 خه‌ڵاتی ئیمی وه‌ربگرێت بۆ باشترین رۆڵی پاڵپشت به‌هۆی رۆڵی له‌و زنجیره‌یه‌دا. له هه‌مان ساڵدا به‌شداری له فیلمی "Knocked Up" كردووه، كه سه‌ركه‌وتنی باشی له‌سه‌ر ئاستی بینه‌ر به‌ده‌ستهێنا. له ساڵی 2008 فیلمی "27 drees"ی پێشكه‌ش كرد، كه سه‌ركه‌وتنی گه‌وره‌ی به‌ده‌ستهێنا، له‌و فیلمه‌دا مووچه‌كه‌ی بۆ زیاتر له 6 ملیۆن دۆلار به‌رزبووه‌وه. ڤانیتی فێر له ساڵی 2007 دا كاسرینی وه‌كو سێكسیترین خانمه ئه‌كته‌ر ناوبردووه، ئه‌وه‌ش جوانی روخسار و به‌ده‌نی رێكی وای كردووه ببێته جێگه‌ی سه‌رنج.
راستی ناشیرین
فیلمی راستی ناشیرین"The Ugly Truth " فیلمێكی كۆمیدی رۆمانسی ئه‌مریكییه و ساڵی 2009 به‌رهه‌م هێنراوه، ده‌رهێنانی رۆبه‌رت لوكیتیكه و نووسینی نیكۆڵ ئیستمان و كارین مه‌ككولا لوتز و كیرستن سمیس. كاسرین هایگل و جیرارد باتله‌ر رۆڵی سه‌ره‌كی تێدا ده‌گێڕن. فیلمه‌كه له 24ی ته‌مموزی 2009 له‌لایه‌ن كۆمپانیای كۆڵۆمبیا پیكچه‌رزه‌وه له ئه‌مریكای باكوور نمایشكراوه.
كاسرین له فیلمه‌كه‌دا رۆڵی ئابی ده‌گێڕێ كه به‌رهه‌مهێنه‌ری ته‌له‌فزیۆنی به‌رنامه‌ی به‌یانیانه له شاری ساكرامنتۆ له ویلایه‌تی كالیفۆرنیا. ئابی باوه‌ڕێكی پته‌وی به خۆشه‌ویستی راسته‌قینه هه‌یه و لایه‌نگرێكی گه‌وره‌ی كتێبه ئاڵۆزه‌كانی خۆبه‌خشییه وه‌ك شۆربای مریشك بۆ رۆح و پیاوان له مه‌ریخه‌وه‌ن، ژنان له زوحه‌له‌وه‌ن. له رێكه‌وتێكی كاره‌ساتباره‌وه ده‌گه‌ڕێته‌وه ماڵه‌وه، به‌ڕێكه‌وت به‌شێك له به‌رنامه‌یه‌كی ته‌له‌فزیۆنی ناوخۆیی ده‌بینێت به ناوی "راستی ناشیرین" كه مایك چادوه‌ی تێدایه، كه كینیزمییه‌كه‌ی سه‌باره‌ت به په‌یوه‌ندییه‌كان وا له ئابی ده‌كات په‌یوه‌ندی بكات بۆ ئه‌وه‌ی له په‌خشدا له‌گه‌ڵیدا گفتوگۆ بكات. رۆژی دواتر بۆی ده‌رده‌كه‌وێت ته‌له‌فزیۆنه‌كه هه‌ڕه‌شه‌ی هه‌ڵوه‌شاندنه‌وه‌ی به‌رنامه‌كه‌ی ده‌كات به‌هۆی خراپی ریتینگه‌كانییه‌وه. خاوه‌نی وێستگه‌كه مایكی به‌كرێ گرتووه بۆ ئه‌وه‌ی سێگمێنتێك له به‌رنامه‌كه‌یدا بكات. سه‌ره‌تا ئه‌و دوانه په‌یوه‌ندییه‌كی به‌ردینیان هه‌یه، ئابی پێیوایه مایك چه‌قۆكێش و قێزه‌ونه. سه‌ره‌ڕای ئه‌وه‌ش، كاتێك ئه‌و پیاوه‌ی خه‌ونه‌كانی ده‌ناسێت، پزیشكێك به‌ناوی كۆڵین كه له ته‌نیشتییه‌وه ده‌ژی، مایك قه‌ناعه‌تی پێده‌كات به‌جێبه‌جێكردنی ئامۆژگارییه‌كانی ئه‌و چانسه‌كانی له‌گه‌ڵ كۆڵین باشتر ده‌كات. ئابی گومانی هه‌یه، به‌ڵام گرێبه‌ستێك ده‌كه‌ن، ئه‌گه‌ر به‌ڕێوه‌بردنی مایك له په‌یوه‌ندی خۆشه‌ویستیدا ببێته هۆی نیشتنه‌وه‌ی كۆڵین، تیۆره‌كانی له‌سه‌ر په‌یوه‌ندییه‌كان بسه‌لمێنێت، ئه‌وا به‌خۆشی و به‌ئاشتیانه له‌گه‌ڵیدا كارده‌كات. مایك بانگهێشت ده‌كرێت بۆ ئه‌وه‌ی له به‌رنامه‌ی The Late Late Show له‌گه‌ڵ كرایگ فێرگسۆن ده‌ربكه‌وێت و له تۆڕێكی دیكه‌دا كارێكی پێشكه‌ش ده‌كرێت. ئابی ناچاره كۆتایی هه‌فته‌یه‌كی رۆمانسی هه‌ڵبوه‌شێنێته‌وه كه له‌گه‌ڵ كۆڵین، له‌و ماوه‌یه‌دا پلانیان دانابوو دواجار پێكه‌وه بخه‌ون، له‌بری ئه‌وه به فڕۆكه ده‌ڕۆن بۆ لۆس ئه‌نجلۆس بۆ ئه‌وه‌ی مایك رازی بكات له‌گه‌ڵ نمایشه‌كه‌یدا بمێنێته‌وه. ئه‌وان ده‌خۆنه‌وه و سه‌ما ده‌كه‌ن و مایك دان به‌وه‌دا ده‌نێت كه نایه‌وێت بجووڵێت، چونكه ده‌یه‌وێت له ساكرامنتۆ له نزیك خوشك و برازاكه‌ی بمێنێته‌وه. له‌ناو به‌رزكه‌ره‌وه‌ی هۆتێله‌كه‌دا به سۆزه‌وه ماچ ده‌كه‌ن، به‌ڵام ده‌چنه ژووره جیاوازه‌كانیان. مایك كه مامه‌ڵه له‌گه‌ڵ چڕی هه‌سته‌كانی بۆ ئابی ده‌كات، په‌یوه‌ندی به ژووره‌كه‌یه‌وه ده‌كات ته‌نها بۆ ئه‌وه‌ی بزانێت كۆڵین خۆی نیشانداوه تاوه‌كو سه‌رسامی بكات. مایك ده‌ڕوات. ئابی دڵته‌نگ ده‌بێت و زۆری نه‌خایاند تێده‌گات كۆڵین ته‌نها حه‌زی له‌و ژنه‌یه كه خۆی نیشان ده‌دات نه‌ك ئه‌وی راسته‌قینه، له‌گه‌ڵیدا جیا ده‌بێته‌وه. مایك وازی لێده‌هێنێت و كارێك له كه‌ناڵێكی ته‌له‌فزیۆنی ركابه‌ر له ساكرامنتۆ وه‌رده‌گرێت، له كۆتاییدا په‌خشێك له هه‌مان فێستیڤاڵی باڵۆنه هه‌وا گه‌رمه‌كاندا ده‌كات كه ئابی ناتوانێت به‌ره‌نگاری ده‌ستێوه‌ردان بێته‌وه كاتێك ئه‌و ته‌قلیدكه‌ره نوێیه‌كه‌ی "مایك" له هه‌وادا ده‌خاته ده‌ره‌وه و ده‌ست ده‌كات به قسه‌كردن له‌سه‌ر ئه‌وه‌ی پیاوان لاوازێكی ترسنۆكن. له ده‌ره‌وه‌ی سیناریۆ، باڵۆنه‌كه هه‌ڵده‌ستێت له‌كاتێكدا ئه‌وان مشتومڕ ده‌كه‌ن. ئابی ده‌ڵێت له كۆڵین جیابووه‌ته‌وه، مایكیش دان به‌وه‌دا ده‌نێت كه خۆشی ده‌وێت. ئابی ماچی ده‌كات له‌كاتێكدا ده‌فڕن، هه‌موو ئه‌مانه به‌هۆی كامێرایه‌كه‌وه كه له‌ناو باڵۆنه‌كه‌دا دانراوه په‌خش ده‌كرێن. فیلمه‌كه به ئابی و مایك له جێگادا كۆتایی دێت. كاتێك مایك پرسیاری ئه‌وه‌ی لێده‌كات ئایا ساخته ده‌كات، ئابی وه‌ڵامی ده‌داته‌وه و ده‌ڵێت "هه‌رگیز نازانیت"
چه‌ند ئه‌كته‌رێك له‌م فیلمه‌دا رۆڵ ده‌بینن، له‌وانه كاسرین هایگل وه‌ك ئه‌بیگایل ئابی. جیرارد باتله‌ر وه‌ك مایك چادوای، په‌یامنێری شۆڤێنیستی پیاوی ئه‌و. ئێریك وینته‌ر وه‌ك كۆڵین ئه‌نده‌رسۆن، پزیشكی نه‌شته‌رگه‌ری ئێسك و پروسكی كه دراوسێی ئابییه. شێریل هاینز وه‌ك جۆرجیا بۆردنی، هاوبه‌شی پێشكه‌شكاری به‌رنامه‌ی به‌یانیان. جۆن مایكل هیگینز وه‌ك لاری فریمان، هاوبه‌شی پێشكه‌شكاری به‌رنامه‌ی به‌یانیان. بری تۆرنه‌ر وه‌ك جۆی هایم، یاریده‌ده‌ر و هاوڕێی ئابی. چه‌ند ئه‌كته‌رێكی دیكه له‌م فیلمه‌دا به‌شدارن. فیلمه‌كه له‌لایه‌ن به‌رهه‌مهێنه‌رانی فیلمی Legally Blonde[2] دروستكراوه. نیكۆڵ ئیستمان و كارین مه‌ككولا و كیرستن سمیسه‌وه سیناریۆی فیلمه‌كه‌یان نووسیوه. رۆبه‌رت لۆكیتیك ده‌رهێنه‌ری فیلمه‌كه‌یه. شوێنه‌كانی وێنه‌گرتن ئه‌م فیلمه له چه‌ند شوێنێك وێنه گیراوه، ئه‌و شوێنانه‌ش بریتین له ساكرامنتۆ له لۆس ئه‌نجلۆس و سان پێدرۆ له لۆس ئه‌نجلۆس و تێمێكولا له كالیفۆرنیا. كاتی فیلمه‌كه 96 خوله‌كه و زمانی فیلمه‌كه ئینگلیزییه.
