لەسەر بڕیار و
راسپاردەی سەرۆک بافڵ جەلال تاڵەبانی، لە چوارچێوەی پرۆژەی ئاشتکردنەوەی سلێمانی و
سەوزکردنی کوردستاندا هەڵمەتی نیشتمانی ناشتنی یەک ملیۆن نەمام لە سلێمانی بەڕێوەدەچێت.
دەستپێکی هەڵمەتەکە
لە سلێمانی و لە شەقامی دووسایدی گۆیژە – ئەزمەڕ، سەروو فلکەی بەرزاییەکانی سلێمانی،
دووڕیانی تونێلی ئەزمەڕ و دۆڵەمیران، نزیک فلکەی ئەحمەد بلدۆزەر دەگرێتەوە.
لەو بارەیەوە حسێن
حەمە کەریم نوێنەری نووسینگەی سەرۆک بافڵ جەلال تاڵەبانی تایبەت بە هەڵمەتەکە بەسایتی
رەسمی یەکێتیی نیشتمانیی کوردستان PUKMEDIA ی راگەیاند: ئەم هەڵمەتە بەشێکە لە پرۆسەی
ئاشتکردنەوەی سلێمانی و بۆ سەوزکردنی کوردستانە کە ئەمەش بەشێکە لە سیاسەتی یەکێتیی
نەشتمانیی کوردستان بۆ سەوزکردنی کوردستان وەک درێژەپێدەری سیاسەتی سەرۆک مام جەلال
کە گرنگییەکی زۆری بە ژینگە و سەوزکردنی کوردستان داوە و ئێستاش سەرۆک بافڵ جەلال
تاڵەبانی پەیڕەوی دەکات.
نوێنەرەکەی نووسینگەی
سەرۆک بافڵ دەڵێت، نەمامەکان نەمامی دارستانی هەمیشە سەوز و هەڵوەریون و بەڕێوەبەرێتی
پاوان و دارستانی سلێمانی هەڵمەتی رواندنەکە جێبەجێدەکات، هەر کەس و لایەنێکی تریش
بیەوێت بەشداربێت ئێمە هاوکاریی دەکەین.