دوێنێ، مستەفا كازمی سەرۆك وەزیرانی عیراق، سەردانی هەرێمی كوردستانی كرد و لەگەڵ لێپرسراوانی باڵای هەرێم كۆبۆوە.
لە سەردانەكەیدا بۆ هەرێمی كوردستان، سەرۆك وەزیرانی عیراق، لە وتەیەكدا ئاماژەی بەوەكرد كە سەردانەكەی بۆ هەولێر، پەیامێكی روون و ئاشكرایە كە بەغدا هەموو كات پشتیوانی هەولێرە، هەروەك چۆن هەولێر پشتیوانی بەغدایە. بە هەموو عیراقییەكانیش دەڵێین كە ئێمە وڵاتێكی یەكگرتووین و پەیامیشم بۆ خەڵكی كوردستان ئەوەیە ئێمە بۆ هەر هاوكارییەك و پشتیوانییەك لەگەڵتان دەبین و كاردەكەین بۆ چارەسەركردنی سەرجەم كێشەكانی نێوان هەولێر و بەغدا.
سەبارەت بە رووداوەكانی مووشەكبارانكردنی هەولێریش، وتی: لیژنەیەكمان بە سەرۆكایەتیی راوێژكاری ئەنجومەنی ئاسایشی نیشتمانی و بە هەماهەنگی وەفدێكی سەربازی و تەكنیكی پێكهێناوە.
