عەزیز شەمۆ ئەلیاس
ئیرۆ سەیرە، بەری چەند سالان و ل هاڤینا سالا 1991و پشتی سێ مەها ژ دەستپێكرنا سەرهلدانا پیرۆزا خەلكێ كوردستانا باشوور و ل گەڕا دانوستاندنا ناڤبەرا بەرەیا كوردستانێی و رژێما بەعسا گۆر ب گۆر كو مەسەلا پرۆسێسا راپرسیێ هاتە پێشنیازكرن ژ ئالیێ رژێمێ و وەکی دهاتە گوتن سەركردێن بەرەیا كوردستانی رازی بوون ب ئەنجامدانێ ل ناڤ ئێزدیان، هنگێ نەڕەزایی ژ جڤاكی ئێزدیاندا دروست بو و ب توندی هەلوێستا سەركردێت وی چاخیا بەرەیا كوردستانی هات ئیدانە کرن و ژوی دەمیدا بەیاننامەك ژ جەم رەوشەنبیر و كەسایەتیێن ئێزدی هاتە بەلاڤكرن و تێدا د گۆتن (نا بو سەركردایەتیا كوردان ئەگەر بوی رازی بە کو راپرسی بیتە ئەنجامدان ژبەركو ئەڤ چەند خویا دكەت كو وان ب گومانن ژ كوردینیا ئێزدیان).
ل هێرە پرسیار ئەوە بۆچی ژمارەك نەكێم ژ ئێزدیان وب تایبەت ئیرۆ دبێژن ئەم ئێزدینە و بەس، یان ئێزدیاتی مە ئانكو ئۆل و نەتەوە؟
ب ڕاستی پرسیارەك گرنگە و دڤێ سەركردایەتیا كوردان ل باشوور و تایبەت تر وسەركردێن پارتێت كوردی بەرسڤ بدەن..
ب كورتی و پوختی ئیرۆ جڤاكا ئێزدیان دلمایە و پڕ توڕەیە ژ هەلسوكەوتێت شاش یێت بەرامبەر وان تێت ئەنجامدان ژ ئالیێ جڤاكا كوردێت بسرمان ب تایبەت ل هەرێما كوردستانا عیراقێ.
من چەندین ئەو رەوشەنبیر و كەسایەتیێت ئێزدیان دیتن یێت هەلمەتا (ئێزدی ئایین و نەتەوەیە) دیتن و من ب وان بڤەیی وخرابیا پێنگاڤا وان دەستپێكری گفتوگۆ كر، ئەز نا بێژم هەموو بەلێ پێ بتر ژ نیڤا ژ وان دان ب وێ چەندێ دان كو ئێزدیاتی بیر و باوەرا پیرۆزدا دێریندا نەتەوا كوردە، كەس ژ ئێزدیان كورد تر ورەسەنترین نینە بەلێ پێ مخابن حەیا نها بتریا جڤاكا كوردێن بسرمان وب تایبەت یێت نێزیك دەڤەرێت ئێزدی لێ نیشتەجێ ئاشكەرا فەرق و جیاوازیێ دكەن، هێ حەیا نها ماستێ ئێزدیان ل جەم وان حەرامە خوارن، خۆ هیكێن مریشكێت ئێزدیان نا بە بێن فرۆشتن، سەربڕاو ئێزدی ڤەدكوژت ناڤلێكرینە دەستكوژ، هێ نابە كرێكارێك ئێزدی ل خورانگەها كاربكەن ژبەركو ب دیتنا وان چەپەل وپیسە، گەلۆ ئەڤ چەند رەوایە؟
هۆسانێ پڕ زەحمەتە ئیرۆ ئەم بكارن بئژن نەتەوا كورد ئێكە و تەڤ برانە. براتی ل جەم وان ئەون یێت (من اتبع الهدی). كارەسات جانگۆریێت ئێزدی یێت گیانێ خۆ یێ پیرۆز قوربانی ئاخا كوردستانێ كری ب دیتنا وان نابە ناڤێ شەهید ل وان بە (شەهید تنێ بۆ وان یێت - شەهادەتا بسرمانیا خۆ ددەنە) ئانكو دڤێت ئێكەم جار بسرمانیا خۆ راگەهینت هەتا بیت هەژمار شەهی..
ل هێرە راشكاوانە ئەز دبێژم هەكە كوردینیا ئێزدیان بۆ مللەتێ كورد گرنگ، هیڤیدارم هاولاتیێت كوردستانێ ب گشتی جڤاكا ئێزدی ئاشتكەت و هۆ و ئەگەران دەسنیشانكەت كا بۆچی ئیرۆ ئێزدی گەهان قۆناغا ئاگر بەردان هەلبەت ئەو چووی خێرێ نابینە، ئەو وێ هەست دكەن وێ بەرەب چارەنڤیسەك نەدیار ڤەدچن دەما دبئژنە وان (كوردێت ئێزدی) ژبەركو رامانا فەرق وجیاوازیێ ددەت، كو تە گۆ ئێزدی هندە بەسە ئانكو پارێزەرێ ئۆل و زمان ونەتەوە، ئانك مێرانی و رەسەناتی، دەمێ (سلاڤ ل سەر بن) بابجاك، زانا وده رویش (پیر رەشێ حەیران) بەری هەزار سالی د سروودا ئایینی یا مە ئێزدیان دا یا ب ناڤێ – شەرفەدین- دا « جەوابێ بدەن كوردستانێ .. بلا قایم كەن ئیمانێ .. شەرفەدین میرە ل دیوانێ ..» كه رمكری، هنگێ پارتێن كوردستانی نەبوون، دەڤەرێن ناكۆكی ل سەر نەبوون، مادا 140 ێ ده ستوور و دەولەتا عیراق نە بو، هنگێ و هەیا نها ژی ئەم هەر ئێزدی بون وبیر وباوه ری دیرین (ئایینی ره سه نی نه ته وا كورد) بوون.
