ستران عەبدوڵڵا
برادەرانی دەستڕۆیشتووی زەرد پێویستییان بە یۆگای قبوڵکردنی شکست هەیە، پێویستیان بەوەیە ڕابێن لەگەڵ نەبردنەوە و ئینجا دۆڕان و پاشەکشە.
پێویستیان بەوەیە تێبگەن دیموکراسی و هەڵبژاردن جووتسایدی هاتن و چوونە، هەر بردنەوە و هەر دۆڕان نییە، دەشێت و دەبێت هەردووکیان بن. جارێ بێ بۆ بردنەوە و جارێکی تر بڕۆ بۆ دۆڕاندن.
مەشقی قبوڵکردنی شکست دەرسێکی زۆر مەزنە حزبە مەزنەکان دەتوانن لێی تێبگەن.
سەرۆکی یەکێتی بە توانجی جوانی خۆیەوە وتی: کێشە ئەوەیە لە کوردستان حزبێک هەیە ئامادە نییە بیدۆڕێنێت.
فەرموون بەڕێزانی دەسەڵاتداری زەرد بۆ مەشق و راهێنان، فەرموون بۆ شکست و دۆڕان.
