هەر حزبێكی سیاسی بەپێی قۆناغ و هەل و مەرجەكان و لەگەڵ سەردەم پێویستە بوێری هەبێت خۆی نوێ بكاتەوە و گۆڕانكاری بكات و خوێندنەوەی هەبێت بۆئەوەی بتوانێت لەگەڵ بارودۆخی رۆژگاردا ئامانجەكانی بگونجێنێت. دیارە، یەكێتیی نیشتمانیی كوردستان یەكێكە لە حزبە سیاسییە دیار و خاوەن پێگە و دەسەڵاتەكان لە باشووری كوردستاندا و دەور و كاریگەریی هەیە لە بنیاتنانی سیاسەت و ستراتیژ لە ناوچەكەدا، بۆیە دیدار پێویستییەكی هەنوكەییە كە یەكێتی ئەنجامی دەدات بۆ خۆنوێكردنەوە و گۆڕانكاری كە هاوتەریب بێت لەگەڵ سیاسەتی نوێی جیهان و ناوچەكە.
دیداری گشتی كە لە پەیڕەوی كۆتا كۆنگرەی حزبدا بووەتە بابەتێكی سەرەكی و هەموو ئەو رەخنە و سەرنج و پێشنیازانەی كە هەیە لە لیژنە جیاوازەكان دەخرێنەڕوو گفتوگۆی پێویستیان لەسەر دەكرێت بە ئامانجی باشتركردنی كاروبارەكان و بتوانرێت دووبارە پێداچوونەوە بكرێت بە ئۆرگانەكان و هەركەس كارو چالاكییەكانی خۆی جێبەجێ بكات و خزمەتی زیاتر بە كۆمەڵانی خەڵكی كوردستان بكرێت.
دیدار گرنگە بۆ حزبێكی كاریگەر و جەماوەری و خاوەن پێگەی وەك یەكێتیی نیشتمانیی كوردستان لەبەرئەوەی ئەو حزبانەی لە دنیادا رۆڵیان هەیە و داهێنەر و بنیاتنەری وڵات بوون، دەیانەوێت لەگەڵ بارودۆخ و هەلومەرجی رۆژ خۆیان بگونجێنن، چونكە میللەت پێویستی پێیان دەبێت لەگەڵ پێشكەوتن و گۆڕانكاری و پێداویستی سەردەم خۆی نوێ بكاتەوە.
بۆیە پێویستە هەڤاڵان لە ئۆرگانە جیاوازەكان بەشداربن لە پێشنیارەكانیان و بۆ داڕشتنەوەی سیاسەتێكی نوێی سەردەمییانە بۆ حزبەكەیان و بۆ زیاتر دەوڵەمەند كردنی پڕۆسەكە.
گرنگی دیدار بۆ هەموو چین و توێژەكان و سێكتەر و ئۆرگانەكانە بۆی ئەوەی بتوانن رۆڵی خۆیان بگێڕن لە گەنجان و لاوان و ژنان و یەكێتیەكان و كۆمەڵە و رێكخراوەكان و دۆسیەی پەیوەندییەكان و رێكخستنەوەی هێڵی راستی حزبایەتی ئۆرگانیانە و پەیڕەویانە.
پێویستە هەڤاڵان لە ئۆرگانە جیاوازەكان بەشداربن لە پێشنیارەكانیان وبۆ داڕشتنەوەی سیاسەتێكی نوێی سەردەمییانەبۆ حزبەكەیان وبۆ زیاتر دەوڵەمەندكردنی پڕۆسەكە
