لە دوايى دەرچوونى (ئەکرەم ئيمام ئۆغڵۆ)وە به گەوره سەرۆك شارەوانى ئيستەنبۆل له ساڵى 2019 دا، ئاک پارتی بە دوايى كردنەوەى دۆسيیەکدا دەگەڕێت لەسەری بۆ ئەوەی دوورى بخاتەوه، ئەوەبوو دادگا له لە 2022 بڕياري زیندانیکردنی بۆ دەرکرد، بە دوو ساڵ و نيو، به تۆمەتى ناوزڕاندنى فەرمانبەرانى گشتى و كۆمسیۆنى هەڵبژاردنەکان لە توركيا، بەڵام دوايى تانەدان له بريارەکە لە لايەن پارێزەرەكانى ئۆغڵۆوە، بڕیارەکە جێبەجێ نەكرا.
ئێستا ئیمام ئۆغڵۆ حەوت تۆمەتی ئاراستە كراوە لەلايەن داواكارى گشتییەوە، هەر لەبەر ئەوە لە 19ی ئادارى 2025دا ئۆغڵۆ له ماڵەكەى خۆیداو به بڕيارى دادگا دەستگير كرا، به تۆمەتى هاوكاريكردنى PKK و گەندەڵى هتد، رۆژى پێشتریش زانكۆى ئيستەنبۆل بروانامەكەى هەڵوەشاندەوە و بە تەزويرى دانا، لە کاتێکدا ئۆغڵۆ 35 ساڵ بەر له ئێستا خوێندنی لەو زانكۆیە تەواو كردووه. ئيمام ئۆغڵۆ ركابەرێكى زۆر بەهێزى ئاك پارتیيە و له هەڵبژاردنى شاراوانییەکانیش کە لە تورکیا لە 23ی یۆنێۆی 2019 ئەنجامدرا، توانی پۆستی سەرۆك شارەوانى ئەستەنبۆل بباتەوە، لەگەڵ هاوپەيمانى ميللەت و بە پشتگير HDP ، کە به زياتر 800 هەزار دەنگ سەركەوتنى به دەستهێناو له بەهێزترين كانديدى ئاك پارتى و هاوپەيمانى كۆماری بردەوە كه (بينالى يەڵدرم) بوو، كه راستەوخۆ ئەردۆغان و حكومەت پشتگيريان كرد.
ئيمام ئۆغڵۆی كانديدی GHP به پشتگيرى كورد له هەڵبژاردنى 2024 دا مليونێك دەنگى زياترى هێناو له موراد كووڕم كانديدى ئاك پارتى و هاوپەيمانى كۆماری بردەوە لە شارەوانى ئيستەنبۆل.
ئەردۆغان هەوڵی دوورخستنەوەى ئيمام ئۆغڵۆ دەدات لە شارەوانى ئيستەنبۆل، لە کاتێکدا ئەو لای زۆربەی لايەنه سياسيیەكانى ئۆپۆزسيۆن کەسێکی مەقبولە و كورديش كێشەى لەسەر نییە، بەتايبەت کە سەڵاحەدین دەمیرتاش-یش پشتگیری دەکات.
لای ئەردۆغان گرنگ نيیه سەرۆك شارەوانى ئيستەنبۆل دووباره لای GHPبێت، بەڵام دژی ئەوەیە لای ئيمام ئۆغڵۆ بێت، چونکە بە مەترسیی دەزانێت بۆ سەر خۆی، لەبەر ئەوە ئەردۆغان هەوڵی ئاشتەوایی لەگەڵ کورد دەدات، تاکو بتوانێت لە پۆستەکەی خۆیدا بمێنێتەوە وەکو سەرۆک، بۆيه رێوشوێنى كردنەوەى دۆسيیه و گرتنى بەپەلەی بۆ ئۆغڵۆ کرد، بەتایبەت کە بڕيار وابوو لە 23ی ئاداری 2025، GHP بە دەنگدان ئۆغڵۆ وەکو كانديدى خۆی بۆ ركابەرى سەرۆك كۆمار ديارى بکات.
ئاك پارتی بەم هەنگاوانەی ئێستای، توركيا بەرەو تاكڕەوى دەبات و گومان دەخاته سەر هەڵبژاردنەکانی داهاتووی ئەو وڵاتەش، مەترسیش بۆ سەر دیموکراسی و دەستاودەستكردنى دەسەڵات دروست دەکات، بەم كارەشی چارەسەرى پرسى كورد قورستر دەكات، دادگاکانی توركياش ماوەيەكه كەوتوونەتە ژێر پرسيارەوە، دوای ئەوەی بڕیاری داخستنى چەندين حزبى كوردییان داوەو قەيومیان خستۆتە شوێن سەرۆك شارەوانيیەكانى (دەم پارتى)، كه بە دەنگى خەڵک ئەو پۆستانەیان وەرگرتبوو، كەچى دادگا راپێچي زيندانی کردن و لە ئێستادا زياتر له 120 هەزار كورد لەبەر كوردبوون لە زينداندان.
توركيا كەوتوەته ژێر بارێکی ئابووریی سەختەوە، هەڵئاوسانیش گەیشتۆتە %70، دراوەكەشى دواى گرتنی ئۆغڵۆو ناڕەزاییەکان لە%10 بەهاکەی له دەستداوه.
ئاك پارتی لەگەڵ بەهاوپەيمانەكانيەوه دەنگى دووەميان بەدەستهێناوه له هەڵبژاردنى شارەوانيەكانى ساڵى 2024 لەسەر ئاستى توركيادا لە ئێستادا کە دەزگاكانى راپرسی توركيا بەیانیی دەکەن هەر دووەمه، ئەمەش يەكەمجاره له دوايى هاتنه سەر دەسەڵات له ساڵى 2002 و دەبێته حزبی ژماره دوو هەنگاوەكانى هەر چەنده ناتوانێ پاشەكشەى لێبكات چونكه بەزەرەرى خۆى تەواو دەبێت
دەستگیركردنى، ئيمام ئۆغڵۆ، ئەو کەسایەتییەی زیاتر کردە جێ سەرنجی خەڵکی تورکیاو ئەو وڵاتە بەتەواوی خرۆشا و كاردانەوەی بەهێزی بە دوای خۆیدا هێنا، ئێستا تورکیا بەرەو بومەلەرزەیەکی گەورەی سیاسیی هەنگاو دەنێت، له شارە گەورەکانیش بە تايبەتى ئيستەنبۆل وئەنقەره خۆپێشاندان و ناڕەزایی فراوان بەرپابووە، ئۆزگور ئۆزيلی سەرۆكى GHP داوای لە جەماوەر كردووە، بڕژێنه سەرشەقامەکان بۆ پاراستنى ديموكراسى و گەڕانەوەى شكۆى دادگا، ئەو وڵاتە بۆ 12 ساڵ دەچێت خۆپێشاندان و ناڕەزایی بەم قەبارەیەی بە خۆوە نەبینیوە، كه هەموو چين وتوێژەكان بەشدارى تێدا بكەن و تێیدا دروشمی دژ بە حکومەت و ئەردۆغان بەرزبکەنەوە، لە دوای کودەتاکەی سوپا دژ بە ئەردۆغان.
