ئاریا فەرەیدون
بەشێوەیەکی گشتی لە سەروبەندی بانگەشەی هەڵبژاردن هێز و حزبە سیاسییەکان بە شێوەی جیا جیا و هەندێ جار بە جوڵەی چاوەڕواننەکراو دەچنە ناو خەڵک بۆ بەدەستهینانی متمانە و دەنگی هاوڵاتیان، ئەوەی زۆر جێی سەرنجە هەندێ حزبی سیاسی بە شێوەیەک رەفتار دەکەن لەکاتی بانگەشە کە نایان ناسیتەوە کە ئەمە ئەو حزبانە یان نا؟! بە جۆرێک نواندن دەکەن کە تەنها ناوی حزبەکەیان نەگۆڕاوە هەموو گۆڕانکارییەکیان بەسەرداهاتووە، گەر وریا نەبی رەنگە بڵێی ئەم حزبانە گۆڕانکاری بەسەر سیاسەت و ئامانج و دیدگایان هاتووە، بەڵام دوای بانگەشە دەچنەوە قاوغەکەی خۆیان و هەمان تاس و حەمام جوڵەکانیان دەکەنەوە.
ئەمەی باسکرا سروشتی زۆربەی حزبەکانی هەرێمی کوردستانە هەر یەکە و بەڕێژەی جیاواز ئەم تایبەتمەندییانە دەیانگرێتەوە.
دەمەوێ ئەوە بڵێم حەندێک حزب دوای هەڵبژارن بەهەمان ریتمی پێش هەڵبژارن جوڵە دەکەن هیچ ناگۆڕێن وەک یەکێتیی نیشتیمانیی کوردستان بە درێژایی مێژووی خەباتی خۆی لە رابردوودا بە رابەرایەتی سەرۆک مام جەلال و ئێستا بە رابەرایەتی سەرۆک بافڵ جەلال تاڵەبانی دوای بانگەشەی هەڵبژاردنیش هەر هەمان حزب بووە، ئەو جوڵانەی لە کاتی بانگەشە کردویەتی لە دوای بانگەشەش بە زیادەوە کردویەتی گەر لە یادتان مابێ ساڵی ٢٠٢٢ دوای ئەوەی چەند مانگێک بەسەر هەڵبژاردنی پەرلەمانی عیراق لە ١٠ی تشرینی یەکەم تێپەڕیبوو لە سەرەتاکانی ساڵی ٢٠٢٢ سەرۆک بافڵ بە دەیان سەعات لەگەڵ خوێندکارانی زانکۆ و پەیمانگاکان کۆبۆوە و خۆ کاتی بانگەشەش نەبوو ئەوە بەڵام لەروانگەی هەستکردن بە بەرپرسیارێتی ئەو کارەی کرد کە پێشتر هیچ سەرکردەیەک نەیکردبوو.
دواتر پڕۆسەی نۆژەنکردنەوەی بەشەناوخۆیی و زانکۆکان لەسەر دەستی سەرۆک بافڵ دەستیپێکرد ئەم جوڵەشیان دوای بانگەشەی هەڵبژاردن بوو، لەلایەکی ترەوە سەردانە یەک لە دواییەکەکانی ل قوباد تاڵەبانی بۆ بەغدا لە پێناو قووت و ژیان و بارودۆخی خەڵک هەر کاتەکەی دوای بانگەشەبوو، خزمەت کردنی سەرجەم خوێندکاران بە بێ جیاوازی لە رێی کۆمەڵەی خوێندکارانی کوردستانەوە و بەرنامە و پلانە نوێیەکانی یەکێتی و کۆمەڵەی خوێندکاران هەر کاتەکەی دوای هەڵبژاردنە.
نوێترین نموونە دواین سەردانی سەرۆک بافڵ بوو بۆ کەرکوک و رێکخستنی ئێوارە خوان لەگەڵ مامۆستایان و کەسایەتی ئاینی و چونە ناوخەڵک و بازاڕ خۆ ئەمانەش کاتی هەڵبژاردنی نییە!
بۆیە هەقی ئەوە بەخۆم دەدەم بڵێم (یەکێتی پێش هەڵبژاردن و یەکێتی دوای هەڵبژاردن یەکێتی خانوە قوڕەکانە).
