خاتوو شاناز ئیبراهیم ئەحمەد، ئێوارەی ئەمڕۆ 13ی 6ی 2022، لە شاری سلێمانی، سەردانی خانەوادەی تاریقی بەقاڵی کرد و نیگەرانی خۆی لە مامەڵەی نەشیاوی چەند کارمەندێکی پۆلیس بەرامبەریان دەربڕی.
خاتوو شاناز رایگەیاند: لە دوای بینینی تۆماری ڤیدیۆیی رووداوەکە، زۆر نیگەران بووم و زۆر بەداخەوەم، ئەو جۆرە مامەڵەکردنە هەرگیز مایەی قبووڵکردن نییە.
دوای پرسینەوە لە شێوازی بەڕێوەچوونی رێکارە یاساییەکانی کەیسی تاریقی بەقاڵ، خاتوو شاناز بڕیاریدا کە پارێزەرێک بگرێت و پێشی راگەیاندن پشتیوانتان دەبم و وەک یەکێتی پارێزەری مافەکانتان دەبین.
لای خۆیانەوە، خانەوادەی تاریقی بەقاڵ سوپاسی خاتوو شاناز ئیبراهیم ئەحمەدیان کرد کە بەدەنگیانەوە هاتووە و پشتیوانییان دەکات.
#شاناز ئیبراهیم ئەحمەد
