تەها عەبدوڵڵا
لە دانیشتنی دوێنێی ئەنجومەنی نوێنەراندا بەزۆینەی دەنگ پرۆژەیاسای هەمواركردنی یاسای میلاك ژمارە 25ی ساڵی 1960 پەسەندكراو خوێندنەوەی یەكەم بۆ ژمارەیەك پرۆژەیاسای دیكە كرا، ئەندامێكی نوێنەرانیش رایدەگەیەنێت: لەدانیشتنەكانی داهاتوودا گفتوگۆ لەسەر ئەو پرۆژەیاسایانە بەردەوام دەبێت.
د.گەیلان قادر ئەندامی لیژنەی تەندروستی ئەنجومەنی نوێنەران بە كوردستانی نوێ-ی راگەیاند: لەدانیشتنی ئەنجومەنی نوێنەراندا كە لە چەند بڕگەیەك پێكهاتبوو، بەزۆرینەی دەنگ پرۆژەیاسای هەمواركردنی یاسای میلاك ژمارە 25ی ساڵی 1960 پەسەندكرا، وتیشی: بەگوێرەی ئەو هەمواركردنە چەندین گرفتی فەرمانبەرانی دامودەزگاكانی عیراق لەنێویشیاندا وەزارەتی تەندروستی چارەسەردەكات، بەتایبەتی ئەوەی پەیوەندی بە پلە بەرزكردنەوە و نازناوی فەرمانبەرەوە هەیە.
راشیگەیاند: هەر لە دانیشتنەكەدا خوێندنەوەی یەكەم بۆ ژمارەیەك پرۆژەیاسای دیكە كرا.