رەوەست نەوزاد
نەبەرد عومەر بەڕێوەبەری دەستەی هەڵبژاردنەكانی هەرێمی كوردستان بەكوردستانی نوێ-ی راگەیاند: لە هەڵمەتی بانگەشەی هەڵبژاردنی پەرلەمانی كوردستاندا تائێستا 14 سكاڵا لەسەر لایەنەكان تۆماركراوە، كە شەش سكاڵا لە هەولێر، شەش سكاڵا لە سلێمانی و دوو سكاڵاش لە دهۆكە.
سەبارەت بە سزای لێكردنەوەی پۆستەری كاندیدەكان، نەبەرد عومەر، وتی: بەپێی رێوشوێنەكانی كۆمسیۆن كە لیژنەمان هەیە لە دەستەی هەڵبژاردنەكان لە پارێزگاكان بەدواداچوون بۆ حاڵەتەكان دەكەن.
ئاماژەی بەوەشكرد كە ئێستا نزیكەی 152 هەزار كارتی بایۆمەتری ماوە دەنگدەرانی هەرێم وەریاننەگرتووەتەوە، كە ئێستاش دەتوانن بچن لە بنكەكانی كۆمسیۆن كارتەكانیان وەربگرنەوە.
