بەرەبەیانی ئەمڕۆ دەنگدانی تایبەت بۆ هەڵبژاردنی خولی شەشەمی پەرلەمانی كوردستان دەستیپێكرد و بڕیارە تاوەكو كاتژمێر 6:00ـی ئێوارە بەردەوامبێت.
لە دەنگدانی تایبەتدا، 215 هەزار و 960 كەس كە 7%ـی دەنگدەرانی گشتییە، لە ئەندامانی وەزارەتەكانی ناوخۆ و پێشمەرگە و هێزەكانی ئاسایش و بەندكراوان و هەندێك لە نەخۆشی نەخۆشخانەكان دەتوانن دەنگ بدەن.
لە هەرێمی كوردستان و حەوت پارێزگای عیراق رۆژی 18ـی تشرینی یەكەم پرۆسەی دەنگدانی تایبەت بەرێوەدەچێت، 109 بنكەی دەنگدان بۆ 215 هەزار و 960 دەنگدەری تایبەت ئامادەكراوە.
زۆرترین دەنگدەری تایبەت لە پارێزگاكانی هەرێمی كوردستان لە بازنەی هەولێرە كە 89 هەزارو 791 دەنگدەری هەیەو بازنەی هەڵبژاردنی هەڵەبجە كەمترین دەنگدەری تایبەتی هەیە كە 952 دەنگدەرە.