خولی بژاردەی تۆپی دەستیی یانەكانی عیراق

تیپی یانەی سلێمانی یەكێكە لە تیپە بەشدارەكان

یەكێتیی ناوەندیی تۆپی دەستیی عیراق، بە بەشداریی تیپی 15 یانەی شارەكانی عیراق، خولی بژاردەی تۆپی دەستی یانەكانی عیراقی دەستپێكردووە.
رۆژانی 27 و 28 – ی مانگی رابردوو یەكەم هەفتەی یارییەكانی ئەم خولە كراون، تیپی یانەی سلێمانی یەكێكە لە تیپە بەشدارەكان و لە هەفتەی یەكەمی یارییەكاندا چاوەڕوانبوو، بەڵام لە هەفتەی دووەمدا یەكەم یاریی خۆی کردووە و یارییەكەشی دەبێت دوێنێ شەممە لەنێو هۆڵ و هاندەرانی خۆیدا بەرامبەر تیپی یانەی كەربەلا کردبێت، یەكەم تا سێیەم یاریی
سەرجەم یارییەكانی تری هەفتەی دووەم دواخراون تا كارئاسانی بۆ هەڵبژاردەی تۆپی دەستی عیراق بكرێت، چونكە رۆژانی 6 و 8/11 دوو یاریی بەرامبەر هەڵبژاردەی ئێران دەكات و هەردوو یارییەكەش لە شاری نەجەف دەكرێن.
تەواوی ئەنجامی یارییەكانی هەفتەی یەكەم
*نەوتی بەسرە 32 × 14 فتووە.
*زیقار 20 × 20 ئەلقاسم.
*كەرخ 42 × 15 بەلەدییەی بەسرە.
*جەیش 40 × 17 موسەیەب.
*دیالە 20 × 25 حەشدی شەعبی.
*كەربەلا 29 × 22 ناسریە.
*شورتە 35 × 15 كوفە.