فەرمانبەرێکی ژمێریاری بەڕێوەبەرایەتی گشتی کارەبای سلێمانی ماوەی دووهەفتەیە بەتۆمەتی دیارنەمانی ٤٠٠ ملیۆن دیناری بەڕێوەبەرایەتیەکە دەستگیرکراوە.
لەوبارەیەوە ئەنوەر سەعید بەڕێوەبەری گشتی کارەبای سلێمانی رایگەیاند : ئەو ٤٠٠ ملیۆن دینارە بۆ جێبەجێکردنی چەند پڕۆژەیەکی سێکتەری کارەبا تەرخانکراوە ، ئەو فەرمانبەراش دانی بەوەداناوە کە پارەکەی بردووە ، وتیشی ئەو فەرمانبەرە لەئێستادا لێکۆڵینەوە لەگەڵیدا بەردەوامە .
