راپورت: ئاڤدۆ
ئەگەر مە وەک کورد سەرپەرشتیا سەرژمێریێ کربا یان مە بخوە ل هەرێما کوردستانێ و ناوچەیێن ناکۆکی لسەر سەرژمێری کربا، بێگۆمان دا ئەو سەرژمێرییە برەنگەکێ دیتر بت
پرۆسا سەرژمێریێ ل هەر وەلاتەكی، مەبەست ژێ پلاندانان و جێبەجێكرنا سیاسەتا ئابووری و جڤاكییا وی وەلاتییە و بەردەستكرنا داتایێن ھویر و باوەڕپێكری، سەبارەت رێژا ئاكنجیبوونێ و پێكهاتەییا ئاكنجیبوونێ ژ روویێ نەتەوەیی و ئاینی و ژ روویێ جوگرافی ژیڤە و وەك ئەم دزانین، تا نوكە ل عیراقێ كار ل سەر سەرژمێرییا سالا (1957)ێ دهێتەكرنێ و ب تاكە سەرژمێری دهێتە ناسكرنێ، وەك بەلگەیەكا مێژوویی كوردان وەك خودانێن رەسەنێن دەڤەرێن ناكوكی ل سەر ددەتە ناسكرنێ و رەنگە ل عیراقێ تا چەندین سالێن دی، سەرژمێیرەكا دی ژوی رەنگی نەهێتە كرنێ. لڤێرە پرسیار، مانە گرنگە پێش وەخت سەرژمێرییەك ل هەرێما كوردستانێ هاتبایەكرنێ و مە داتایێن خوە ل بەر دەست هەبانە؟
ماموستایەك دبێژیت: «ئەگەر مە وەک کورد سەرپەرشتیا سەرژمێریێ کربا یان مە بخوە ل هەرێما کوردستانێ و ناوچەیێن ناکۆکی لسەر سەرژمێری کربا، بێگۆمان دا ئەو سەرژمێرییە برەنگەکێ دیتر بت». (جاسم سەبری) زێدەتر گوت: «ژبەرکو د نهادا خەلکێ ناوچەیێن ناکوکی لسەر د باردوخەکێ دژوار دانن و گەلەک ژ خەلکێ وان دەڤەران نها دەربەدەرن و نە ل ناوچەیێن خوەنە، ئەڤەژی زیانێ دگەهینیت ناسنامەیا رەسەنا ئەوان دەڤەران و دڤییابا بەری سالەكێ مە ل سەر ڤێ چەندێ كاركربایە، ژبەركو ھندەك بابەتێن هەین چارەنڤیسازن و دڤێت كورد ب ئێكدەنگییا خوە ل سەر وان پرسان راوەستن.
