د.لەتیف رەشید سەرۆك كۆمار، پێشوازی لە ئیلینا رۆمانسكی باڵیۆزی ئەمریكا لە عیراق كرد، كە بەبۆنەی كۆتاییهاتنی ئەركەكەی سەردانی كردبوو.
لە دیدارێكدا، سەرۆك كۆمار، هیوای سەركەوتنی بۆ خاتوو ئیلینا خواست لە ئەركی داهاتوویدا و تەئكیدی لە بەهێزكردنی هاوبەشیی ستراتیژی نێوان هەردوو وڵات بەتایبەتی لە كەرتەكانی وزە، خوێندن، ئابووری، سیاسی و ئاسایشدا، كردەوە.
لای خۆیەوە، خاتوو ئیلینا، جەختیكردەوە كە وڵاتەكەی بەردەوام دەبێت لە هاریكاریی هاوبەش لەگەڵ عیراق لە هەموو بوارەكاندا و لەپێناوی خزمەتكردن بە بەرژەوەندییەكانی هەردوو وڵات و سەقامگیریی ناوچەكە.
