رێبوار تەها پارێزگاری كەركوك بەمەبەستی چارەسەركردنی كێشەی زەویوزاری جووتیارانی كورد و توركمان-ی ناوچەكانی سەرگەڕان و تۆپزاوا و یایچی، پێشوازی لە جووتیارانی كورد و توركمانی ئەو ناوچانە كرد.
پارێزگاری كەركوك، رایگەیاند: ئێستا 95 %ی زەوییەكانی جووتیارانی ئەو ناوچانە بۆتە موڵكی ئیدارەی خۆجێیی كەركوك، بۆ لەمەودواش دەسەڵاتی خۆم بەكاردەهێنم و بۆ ئەو مەبەستە بەشی موڵكدارێتیی پارێزگام ئاگاداركردۆتەوە كە میكانیزمێك بدۆزنەوە و فەرمان دەكەم زەوییەكان بدرێت بە جووتیارانی ئەو ناوچانە و گرێبەستی حكومیشیان لەگەڵدا دەكەین، بۆ ئەوەی ئەو بێسەروبەرییەی كە ئێستا لە ناوچەكە هەیە، دووبارە نەبێتەوە و جووتیارانیش بە ئارامی و دوور لە كێشە كشتوكاڵی خۆیان بكەن، وتیشی: لەگەڵ ئەنجامدانی گرێبەستەكە، زەویوزارەكانیان دەخرێتە نێو پلانی كشتوكاڵیی كەركوكەوە.
