لە ڕاگەیەندراوێكدا كە بەزمانی عەرەبی بڵاو كراوەتەوە، وەزارەتی دارایی هەرێم وەڵامی وەزارەتی دارایی عیراق دەداتەوە و ڕایدەگەیەنێت، دارایی عیراق پابەند نەبووە بەبڕیارەكانی دادگای فیدڕاڵییەوە.
لە ڕاگەیەندراوەكەی وەزارەتی دارایی هەرێمدا هاتووە، ساڵی رابردوو تەنها 10 ترلیۆن و 26 ملیار و 883 ملیۆن و 844 هەزار و 549 دیناری رەوانەی هەرێم كراوە، لە کاتێکدا پشكی هەرێم بەپێی یاسای بودجە 11 ترلیۆن و 576 ملیار و 521 ملیۆن و 335 هەزار دینارە.
دارایی هەرێم دەشڵێت، زیاتر لە 822 ملیار كورتهێنان لەو پارەیەدا هەبووە كە بەغدا رەوانەی هەرێمی كردووە بۆ مووچە.
باسی لەوەشكردووە، داهاتی نانەوتی هەرێم تا رۆژی 2024/11/30 زیاتر لە 4 ترلیۆن و 347 ملیار و 484 ملیۆن دینار بووە.
