شیرین خانەقینی
لە هۆڵی ماڵی رووناكبیریی سەلام، جواد فەیزوڵڵا قائیمقامی خانەقین، وۆركشۆپێكی كراوەی لەگەڵ ژمارەیەك رۆژنامەنووس و چالاكوانی مەدەنیدا، رێكخست.
لە وۆركشۆپەكەدا، قائیمقامی خانەقین، پشتیوانیی ئیدارەی قەزاكەی بۆ راگەیاندن و پاراستنی دەنگی ئازاد و بیروڕای جیاواز و فرەڕەنگی، دەربڕی و ئاماژەشی بە هەموو ئەو هەوڵانە كرد كە لە ئارادان بۆ بەرەوپێشچوونی خزمەتگوزارییەكان، لەو روانگەیەشەوە داوای لە رۆژنامەنووس و راگەیاندنكاران و چالاكوانان كرد كەموكورتییەكان بەشێوەیەكی راست و دروست بگەیەنن، تا بە هەوڵی هەموولایەك چارەسەریان بكەین.
