كاردۆ وەهبی پزیشكی دەرمانساز و نوێنەری بەڕێوەبەرایەتی گشتیی تەندروستی لە لیژنە هاوبەشەكانی قائیمقامیەتی سلێمانی رایگەیاندووە، لە ساڵی 2018 تاوەكو كۆتایی 2024، لیژنەی تەندروستیی قائیمقامییەت پێنج هەزار و 50 سەردانیان ئەنجامداوە، لەو ژمارەیەش دوو هەزار و 944 پسوڵەی سەرپێچییان كردووە و خاوەنكارەكانیان رووبەڕووی رێكاری یاسایی كردووەتەوە.
ئاماژەی بەوەشكرد، هەر لەو ماوەیەدا 455 شوێن ئاگاداركراونەتەوە و 523 دەرمانخانە، نۆرینگە، تاقیگە و دوكانی گیاندەرمانی سروشتی داخراون، وتیشی، لە رابردوودا دەرمانی قاچاغ لە دەرمانخانەكاندا دەفرۆشرا، بەڵام ئێستا هێنانی دەرمانی قاچاغ و فرۆشتنی بەرێژەیەكی زۆر كەمی كردووە.
