وەزارەتی ناوخۆی عیراق رایگەیاند کە ١٧ هاوڵاتی بیانی بەهۆی سەرپێچیکردنی یاساکانی نیشتەجێبوونەوە دیپۆرتی وڵاتەکەیان کراونەتەوە
بەڕێوەبەرایەتی باری شارستانی و پاسپۆرت و ئیقامەی عیراق، ئەمڕۆ دوشەممە لە راگەیەندراوێكدا بڵاویكردەوە، بەڕێوەبەرایەتیەكە لە رێگەی فڕۆکەخانەی نێودەوڵەتی بەغداوە 17 كەسی بیانی كە سەرپێچی یاسای نیشتەجێبونی عیراقیان كردوە، دیپۆرتکردوەتەوە.
ئاماژەش بەوەشکرد، دیپۆرتكردنەوەكە دوای هەوڵی بەرفراوان و بەدواداچون و لێپێچینەوە ئەنجامدراوە، هاوکات داوا لە هاوڵاتیان دەکرێت زانیاری لەسەر هەر سەرپێچییەک لە مەرجەکانی نیشتەجێبون بدەن و پەنایان نەدەن.
