لە یاریگاکانی کوردستانەوە

لەشجوانێکی کفری سێیەمی عیراق بوو
ئاراس سەردار کە پاڵەوانێکی لەشجوانی شاری کفری-یە، بەمداوییە لە سلێمانی  بەشداریی پاڵەوانێتیی عیراقی کرد و توانی لـەپاڵەوانێتیەکەدا پــلــەی  سـێـیـەم لەسەر ئاستی عیراق بەدەست بهێنێت و میدالی برۆنزی لە ملکرا.
ئەم پاڵەوانە لەشجوانەی شاری کفری، بە کوردستانی نوێ-ی راگەیاند؛ سوپاسی زۆرم بۆ  مامۆستا و راهێنەرەکەم (بەهمەن بەکر) کە زۆر ماندوو بووە لەگەڵمدا، هەروەها ووتی؛ من بەردەوام دەبم لەمەشق و راهێنانەکانم بۆ ئەوەی بتوانم ببمە یەکەمی عیراق، لەم پاڵەوانێتییەشدا لەکۆی 99 یاریزانی لەش جوانی سەرتاسەری عیراق، پلەی سێیەمی سەرکەوتنیکی گەورەیە.