لە ئۆپراسیۆنێکدا دژەتیرۆری عیراق، دووچەکداری داعشی لە کەرکوک کوشتووە، کە یەکێکیان والیی ریاز بووە.
شانەی راگەیاندنی سەربازی بڵاویکردەوە، دەزگای دژەتیرۆری عیراق رایگەیاندووە، لەدواى بەدەستهێنانى زانیاریى ورد و باوەڕپێکراو، پاش چاودێریکردنیان بۆ ماوەى چوار رۆژ توانیویانە لە بۆسەیەکدا دوو چەکدارى داعش لە دۆڵى زغێتون بکوژن.
لە راگەیاندراوەکەدا هاتووە، یەکێک لە چەکدارەکان والیى شارۆچکەی ریاز و دەورووبەری بووە لە باشووری کەرکوک و لەگەڵ کوشتنى چەکدارەکان دەستگیراوە بەسەر چەکەکانیان و هەندێک کەرەستەى سەربازی و تەکنیکیدا.
