سابت محەمەد وەزیری بەرگریی عیراق رایگەیاند، دوای پەسەندکردنی پڕۆژەیاسای بودجە، دوو لیوا ھاوبەشەکەی پێشمەرگە و سوپای عیراق دەستبەکار دەبن.
وەزیری بەرگریی عیراق بەکوردسات نیوزی راگەیاند، ھەموو رێکارە ئیدارییەکانی دوو لیوا ھاوبەشەکە تەواوبوون، لەگەڵ پەسەندکردنی بودجەدا ئەو دوو لیوایە دەستبەکار دەبن.
سابت محەمەد لەبارەی سنوورەکانەوە وتی، لە رێگەی فەرماندەیی ھێزەکانی پاسەوانی سنوور پلانی تۆکمەیان بۆ پاراستن و توندوتۆڵکردنی سنوورەکان و بنبڕکردنی بەزاندنی داناوە.