لە راگەیەندراوێكدا دەزگای ئاسایشی نیشتمانی عیراق دەستگیركردنی یەكێك لە گەورەترین قاچاغچییەكانی دراوی راگەیاند، كە دۆلاری رەوانەی دەرەوەی وڵات كردووە.
دەزگای ئاسایشی نیشتمانی عیراق ئاماژەی بەوەكردووە، هێزەكانیان ئەو قاچاغچییەیان بە ناوی (ر.ح.ن) لە بەغدای پایتەخت دەستگیركردووە و لێكۆڵینەوەكان لەگەڵیدا بەردەوامە. جەختیشیان كردۆتەوە بەردەوام دەبن لە دەستگیركردنی ئەو كەسانەی زیان بە ئابووری وڵات دەگەیەنن.
ئەوەش لەكاتێكدایە لە ماوەی رابردوودا دەزگای ئاسایشی نیشتمانی عیراق دەستگیركردنی ژمارەیەك تۆمەتباری دیكەی راگەیاند كە كاری قاچاغچیان بە دۆلارەوە كردبوو.
سەرچاوە:
الفرات نیوز
