پارێزگاری بانکی ناوەندیی عیراق رایگەیاند، پابەندن بە جێگیرکردنی بەھای دینار و گەڕانەوەی سەقامگیری بۆ بازاڕەکانی دراو.
عەلی عەلاق پارێزگاری بانکی ناوەندیی عیراق لە لێدوانێکیدا بۆ تۆڕی میدیای عیراقی رایگەیاندووە، بانکی ناوەندی پابەندە بە جێگیرکردنی بەھای دیناری عیراقی بەرامبەر دۆلاری ئەمریکی و ھەنگاوەکانیان لەوبارەیەوە جدین و پشتیوانی ھەموو لایەنەکانیشیان وەرگرتووە بۆ گەیشتن بە ئامانجەکانیان.
وتیشی، دانوستانەکان لەگەڵ سندوقی دراوی نێودەوڵەتیدا بەرھەمدار بووە و سەکۆی ئەلکترۆنیش بۆ پاراستنی کەرتی بانکی و بانکی ناوەندی بووە لە روبەڕوبوونەوەی گرفت لە حەواڵەکردنی پارە بۆ دەرەوەی وڵاتدا، ئەوەش خزمەت بە ھەموو لایەک دەکات.
